Obra propia y repertoriu
tradicional vivu.
Composición propia y tradición asturiana grabada. Disponible en streaming; aína en venta direuta.
Dos formatos,
una mesma gaita.
Cada formatu respuende a un contestu distintu. Cúntame'l to y preparo l'actuación a midida.
Tradicional
Pareya de gaita y tambor, bandina o formación folk. La gaita asturiana nel so terrenu: fiestes, romeríes, festivales y celebraciones.
Conciertu-conferencia
Gaita y piano, conciertos didáuticos y gaita con grupu pop-rock pa festivales. Y la conferencia: l'anovación dende la tradición.
Divulgación, ensin complicaciónes.
Escribo sobre la gaita, la música tradicional asturiana y l'arcu atlánticu pa quien entama y pa quien yá toca. Conocimientu que se comparte, non que se guarda.
-
EnsayuJuan Rodríguez Huerta: gaiteru de Teberga y constructor de gaites
Cuarta entrega de la serie: Juan el de la Torre, gaiteru de Teberga y constructor de gaites, que tocó na guerra y na dictadura.
-
GuíaQué ye la misa de gaita asturiana
Una misa en llatín, cantada en tonada asturiana y acompañada por gaita. Qué ye, d'ónde vien, cómo suena y por qué l'Alministración la declaró Bien d'Interés Cultural en 2014. Una de les tradiciones musicales más antigües d'Asturies.
-
TutorialEl pivote: l'exerciciu col que'l mio alumnáu memoriza les notes de la gaita asturiana
Esti exerciciu inventélu hai unos años y úsolu con tol mio alumnáu, en tolos niveles: fíxase una nota y altérnase coles demás. Asina memorízase la postura de cada nota, deprendese a narrar les notes mentalmente mientres se tocen y gánase autonomía ensin depender de la partitura.
Avanzando
dende la tradición.
Entamé a tocar en 1998, de la mano de Manolo Quirós, y nunca lo dexé. Ente 2007 y 2024 formé parte de la Banda Gaites Camín de Fierro; güei compongo, grabo y enseño dende Asturies, y llevo la gaita onde nun se la espera: del repertoriu ceremonial al estudiu de producción.
Miro a tola familia atlántica de la gaita —Galicia, Bretaña, Irlanda, Escocia, Cape Breton—, pero parto d'equí. Nun ye world music nin folk-fusión: ye gaita asturiana de raíz en diálogu col arcu atlánticu.