---
title: "Payuela"
slug: payuela
definition: "Llingüeta doble que vibra dientro del punteru de la gaita asturiana. Ye la pieza que produz el soníu melódicu y la que más condiciona timbre y afinación."
synonyms: ["palleta", "payuela", "llingüeta doble", "caña del punteru", "pita del punteru"]
publishedAt: 2026-06-17
---
La **payuela** ye la llingüeta doble qu'alloxa la parte superior del
punteru de la **gaita asturiana**. Al pasar l'aire del fol, les sos dos
llámines de caña vibren una escontra otra y xeneren el soníu sobre'l que'l
gaiteru fai la melodía.

Ye la pieza más delicada del instrumentu. D'ella dependen el timbre, la
respuesta y bona parte de l'afinación: una payuela dura pide más presión y
sona brillosa; una blanda respuende fácil pero quédase corta d'aire.
Ráscase, átase y axústase a mano, y cada gaiteru acaba teniendo les
sos.

«Payuela» ye la forma más estendida n'Asturies. Nel **oriente** dizse
**payuela**, y **palleta** ye la denominación del **occidente asturianu**
y de Galicia. Nun tien que confundise cola caña del roncón, que ye una
llingüeta simple y sona d'otra manera.

El so tamañu nun ye arbitrariu: esplico por qué mide lo que mide, con
datos, en [la payuela, l'alma de la gaita
asturiana](/ast/blog/payuela-alma-de-la-gaita-asturiana).